Plantun de Prouvènço

Pèr coumpara dos planto d'encò nostre

Alleniella complanata & Scleranthus annuus

Alleniella complanata

Neckeraceae

Nom en français : Onduline aux rameaux applatis.

Descripcioun :
Aquelo mousso pluroucarpo trachis majamen sus li pège e ramo d'aubre dins li relarg umide e souvènt sourne, ounte fai de placo jaunastro e lusènto. Se recounèis pulèu eisadamen bonodi si ramo e si fueio dins lou meme plan. Aquésti darriero an ges de costo, porton un bout redoun acaba pèr un benc.

Usanço :
Se pòu engana emé lis àutri mousso dóu meme gènre coume Alleniella besseri, pamens aquesto radiero a ges de benc ; Exsertotheca crispa a li fueio oundado e se n'en destrìo eisadamen.

Port : Pluroucarpo
Taio : 5 cm
Fueio : 1,2 mm
Tipe bioulougico :
Cicle bioulougico : Planto renadivo

Gènre : Alleniella
Famiho : Neckeraceae

Ordre : Hypnales

Coulour de la flour :
Petalo : 0,7 à 1,2 cm
Ø (o loungour) flour : Coumplet
Flourido : Printèms

Sòu : Ca
Autour basso e auto : 50 à 2000 m
Aparado : Noun
Mars à mai

Liò : Pège à l'oumbro - Roco à l'oumbro - Ramo à l'oumbro
Estànci : Mesoumediterran à Subaupen
Couroulougi : Oulartico
Ref. sc. : Alleniella complanata (Hedw.) S.Olsson, Enroth & D.Quandt, 2011 (= Neckera complanata (Hedw.) Huebener, 1833 )

Gnavello(-de-l'an)

Scleranthus annuus

Caryophyllaceae

Nom en français : Gnavelle annuelle.

Descripcioun :
Aquelo planto, proun ramificado, se tirasso sus la sablo e lis endré trepeja. Sus si tijo se podon vèire uno à dos bando de péu crespu. Li fueio soun redo e en long. Li flour, verdo, soun pas bèn grosso e fan d'enflourejado agroumelado. La subsp. presentado eici, emé de flour gaire duberto e que trachis dins li mitan primàri, ié dison polycarpos. Coumpara emé la gnavello-renadivo.

Usanço :
Fai partido dóu group (38 meno) de flour dicho "de Bach". Ramenten que lou mege, Dr Edward Bach (1886-1936), adoubè de poutingo de flour que dèvon "armounisa l'equilibre epsichique de la persouno". La gnavello permetrié de prendre de decisioun. En Poulougno, au siècle passa s'acampavo li babo de vermèu (Coccus Polonicus) que reston sus li racino pèr n'en faire un coulourant rouge.